1989 ஆம் ஆண்டு முதல் மத்திய மாகாண போக்குவரத்து, பெருந்தெருக்கள், கலாசார, வீடமைப்பு மற்றும் நிர்மாணத்துறை, மின்சக்தி மற்றும் எரிசக்தி அமைச்சின் ஒரு உப பிரிவாக ஸ்தாபிக்கப்பட்டிருந்த மத்திய மாகாண வீடமைப்புத் திணைக்களமானது, 1994 ஆம் ஆண்டு முதல் பதில் வீடமைப்பு ஆணையாளர் ஒருவரின் கீழ் இயங்கி வந்ததோடு, 1999 ஆம் ஆண்டில் ஒரு தனித் திணைக்களமாகத் தாபிக்கப்பட்டது.

இத்திணைக்களமானது 1993 ஆம் ஆண்டின் 05 ஆம் இலக்க மத்திய மாகாண வீடமைப்பு அபிவிருத்தி நியதிச்சட்டம் (இலங்கை ஜனநாயக சோசலிசக் குடியரசின் வர்த்தமானி பத்திரிகை – 1994.07.01 IV (அ) பகுதி) மற்றும் இலங்கை ஜனநாயக சோசலிசக் குடியரசின் அரசியலமைப்பின் 13 வது திருத்தத்தின் மாகாண சபைகள் பட்டியலின் இலக்கம் 5 இன் கீழ் குறிப்பிடப்பட்டுள்ள மாகாணங்களின் வீடமைப்பு மற்றும் நிர்மாணத் துறை விடயதானத்தின் கீழ் வழங்கப்பட்டுள்ள அதிகாரங்களுக்கு அமைவாகச் செயற்படுகின்றது.

மத்திய மாகாண வீடமைப்புத் திணைக்களத்தின் மூலமும் அதன் கீழ் இயங்கும் கண்டி, மாத்தளை மற்றும் நுவரெலியா வாடகைச் சபைகள் மூலமும் 2002 ஆம் ஆண்டின் 26 ஆம் இலக்க மற்றும் 1980 ஆம் ஆண்டின் 55 ஆம் இலக்கச் சட்டங்களினால் திருத்தப்பட்ட 1972 ஆம் ஆண்டின் 07 ஆம் இலக்க வாடகைச் சட்டம் நடைமுறைப்படுத்தப்படுகின்றது.